Los neños del primer ciclu pasárenlo perbien decorando los guevos cocíos que trayeron de so casa: ficiron xaroncas, elefantes, abeyas, hai un gatu que ye de Matis y un ñerbatu de Cesar, tamién ficieron dos osos panda y dalgún perrín de Dios.
¡Toos fechos mui guapos y con muches ganes!
Al mesmu tiempu deprendieron qu'esta fiesta faise na llocalidá asturiana de Pola de Siero'l martes de
Pascua.
Que lo más representativo d'ella ye la esposición, venta y regalu de güevos
pintaos artesanalmente y que foi declarada d'
Interés Turísticu Nacional.
Pa los que nun sois tan ñenos decivos que pintar güevos ye una tradición presente en munchos países, poro, los
investigadores faen comparances ente la versión de La Pola y la d'otros
llugares rastrexando l'orixe de la fiesta. Lo cierto ye que nun hai
documentos, pero la teoría más afitada fala de la llegada de
trabayadores del centru y oriente d'Europa pa trabayar na minería del
carbón, yá que Siero foi de los primeros conceyos onde s'atopó'l
mineral.
